تعالو نضحك شوية (الجزء الثاني)

[3ado0ol]

ايه هو الحيوان الأخضر الصغير اللي بياكل
الزلط؟
هو ابن الحيوان الأخضر الكبير اللي بياكل الزلط .

**************
إيه هو عكس تلميذات؟
Don't tell me that
**************
ليه الثعلب تخين؟
علشان التعلب Fat fat
***************
- تعرف تقول لي فرقين بين الليمون والزيتون؟
1- فيه لمونادة وما فيش زيتونادة .
2- تقدر تقول الناس لاموني لكن ما تقدرش تقول الناس زاتوني .
**************
طب تعرف تقول 5 فروق بين البطة والوزة؟
1. تقدر تحلق شعرك زلبطة لكن ما تقدرش تحلقه زلوزة .
2. في رحاله اسمه ابن بطوطة لكن مافيش رحاله اسمه ابن وزوزة .
3. تقدر تبلبط في البحر لكن ما تقدرش تبلوز فيه .
4. كلنا نتغطى في الشتاء ببطانية لكن ما بنتغطاش بوزانية .
5. الوزة كانت زمان بطة لكن الشيطان وزها .
****************
طب تعرف تقوللي 5 فروق بين الفيل والنملة؟
1- رجل الفيل ممكن تنمل لكن رجل النمله مش ممكن تفيل
2- البيت ممكن يبقى فيه نملية لكن مش ممكن يبقى فيه فيلية .
3- تقدر تاكل سمك فيليه لكن مش ممكن تاكل سمك نمليه .
4- كل واحد له بروفيل لكن مالوش برونمله .
5- You can feel but you cannot namla
***************
- إيه عكس زمان؟
THE WOMAN
**************

وليه الكتكوت ما بيعرفش يكذب على الفرخة؟
علشان هيه اللي فقساه
***************************
صخره وقعت من فوق العماره ولوح الإزاز اللي تحتها ما اتكسرش .. ليه؟؟
- علشان ما وقعتش عليه

- طب فرخه بتعدي الشارع وماتت فجأه ليه ؟؟
- الصخره وقعت عليها

- ليه ( الصعيدى) بيحط جنب راسه كباية شاي قبل ما ينام؟؟
- لان الشاي منبه

- طب ليه بيحط جنب كباية الشاي كباية قهوه ؟
- علشان لو الشاي ما رنشّ

- طب ليه بيحط جنبه كباية ميه مليانه وكبايه فاضيه ؟
- عشان يمكن يشرب ويمكن ما يشربش

- وليه بيحط ملح على راسه ؟
- عشان يبقى حدق

- وليه بيحط سكر على الكرسي قبل ما يقعد ؟
- عشان القعده تحلى

- حاجه طايره بالسما وبتقول نياااو .. ايه هيا ؟
- قطة بيضاء مضروبه بالشلّوت

- طب حاجه سودا وطايره في الهواء وبتقول نيااو ايه هيا ؟
- غراب بيستهبل

- طب حاجه بني وطايره بالسما وما بتقلش حاجه .. ايه هيا ؟؟
- فردة الجزمه بتاعة الراجل اللي ضرب القطة البيضة

- طب حاجه سودا طايره بالهوا وما بتقلش حاجه .ايه هيا ؟؟
- غراب عاقل وما بيحبش الاستهبال

- حاجه زرقاء طايره بالسما .ايه هيا ؟؟
- ذبابه لابسه بنطلون جينز

- طب حاجه سودا وفيها خط احمر ورايحه من الشرق للغرب .. ايه هيا ؟؟
- ذبابه لابسه فستان سواريه وحاطه روج ورايحه فرح وحده صاحبتها

- طب حاجه سودا وفيها خط احمر ورايحه من الغرب للشرق ..ايه هيا ؟
- نفس الذبابه نسيت حاجه في البيت ورجعت تجيبها

- حاجه سوده ماشيه في الصحراء ..ايه هيا ؟
-سرب نمل رايح يعزّي

- نقطه سوداء على الحيطه ايه هيا ؟؟
- ذبابه

- طب نقطتين سود على الحيطه تبقى ايه ؟؟
- فيشه

- طب ثلاث نقط سود ؟؟
- فيشه وذبابه

- طب 54 نقطة بيضاء تبقى إييه؟؟؟
- دا يبقى البياض بيقشر

ليه السمك بيخاف من اتصالات؟
علشان أقوى شبكة.....

طب ليه عملاء موبينيل هيدخلو الجنة؟
علشان هما أحسن ناس.....

و ليه القطنه هتدخل معاهم؟
عشان مدام نظيفه قالت القطنه متكدبش....

طب ليه عملاء فودافون ما بيبردوش؟
علشان فودافون أقوى تغطية.....

امتى السما يبقى لونها بتنجانى
لما الدنيا تبقى مسقعه.....

ليه سندوتشات الكفته والبطاطس بتجري
...... عشان وجبات سريعه

ليه اليابان معندهاش حنان
........... عشان ف قاره آسيا )

ليه الفيل بينزل البحر بالشورت الاحمر .
.......... عشان الشورت الاخضر مش نضيف

عكس بالونه ايه ؟؟ .
........ نشفونا

ليه عمر دياب و هو بيقول فى اغنيه راجعين مخبطش فى اللى وراه ؟؟؟؟
عشان طلعت زين واقف وراه وبيقولو تعالا تعالا

حكموا على صاحب شركه موبينيل احكام كتيره اوووي ليه ؟؟؟
..... عشان بيحاسب الناس بالثانيه

ليه الفراعنه كانوا عيال ؟؟؟
........... عشان كانوا بيرسموا عالحيطه

طب ليه ابو الهول كان وشه اصفر
......... من خوفو

طب اتنين فراعنه قعدوا عالقهوه هايطلبوا ايه ؟؟
...... اتنين اااااامون و حجر رشيد لايت

واحد بلديتنا واقف قدام المرايا و مغمض عنيه ليه ؟؟
......................... بيشوف شكله و هو نايم


بس اوعى حد يمد ايده

المصدر: سفن إفري ويك

---

juhg, kqp; a,dm (hg[.x hgehkd)

[دلول المحبوبة]

تسلم على الموضوع

[سائر]

ممكن تمشى ..شكرا على الموضوع ..

[midoaa]

	ليه ( ............. ) بيحط جنب راسه كباية شاي قبل ما ينام؟؟ - لان الشاي منبه - طب ليه بيحط جنب كباية الشاي كباية قهوه ؟ - علشان لو الشاي ما رنشّ - طب ليه بيحط جنبه كباية ميه مليانه وكبايه فاضيه ؟ - عشان يمكن يشرب ويمكن ما يشربش - وليه بيحط ملح على راسه ؟ - عشان يبقى حدق - وليه بيحط سكر على الكرسي قبل ما يقعد ؟ - عشان القعده تحلى

رجاء عدم تحديد لا أشخاص ولا جنسيات والبعد عن الصعايدة لأنهم أحسن مني ومنك
الموضوع جميل بس يا ريت نبعد عن الكلام الفاضي ده

[donjwan]

هههههههههههههههههههههههههههههههههههههههههه بحد انا ضحكت كتير ميرسى اوى على الافيهات الجامده دى مشكووووووووووووووور

[3ado0ol]

شكرا ليكو انا مبسوط ان الموضوع عجبكوا

[3ado0ol]

	المشاركة الأصلية كتبت بواسطة midoaa

	رجاء عدم تحديد لا أشخاص ولا جنسيات والبعد عن الصعايدة لأنهم أحسن مني ومنك الموضوع جميل بس يا ريت نبعد عن الكلام الفاضي ده

انت مالك محبكها ليه يا عم
الموضوع ده للضحك وبس ولا كلام فاضي ولا حاجة
وعلى فكرة
انا قالولي ان انا اصلي صعيدي
فبلاش تحبكها اوي كدة
فقط
انبسط و ابتسم و اضحك

[hareedy11]

الموضوع حلو جميل ظريف ضحكت كتير بس فى الاخر زعلت وكشرت /////عارف ليه :::::::: اكتشفت انى صعيدى ولازم ازعل""""" شكرا ليك

[hareedy11]

شكر خاص للاخ ميدو لدفاعه عن اخوانه الصعايدهونجاملك فى الافراح ياسى ميدو

[AB7]

تشكر على الموضوع