بداية الاحداث ف بيت من البيوت المصرية كانت فيه بنوتة شقية ضحكتها بتملى الدنيا فرحة وحنية
بس ف يوم من الايام وعشان اهمال الانسان اتكتب تشوف ابشع موتة لطفلة صغنتوتة
وهنبدأ حوارنا عشان نعرف النهاية
ماما:صباح الخير يا احلى بنوتة ف الدنيا
سما :صباح الخير يا مامتى
ماما: حبيبة قلب ماما عاملة لك مفاجأة؟؟
سما :ايه هى؟؟
ماما: حذري فزرى هفسح مين النهاردة؟!؟
سما :هتفسحى سما
ماما: ايوة وانا ليا غير سما
سما :بحبك يا احلى ماما هتفسحيني فين بقي
ماما :هوديكى عند تيتا تلعبي مع ولاد خالتك وخالك
سما :هييييييييييه يا احلى ماما فى الدنيا (وف شقاوة حضنتها وادتها بوسة)
ماما: يالا عشان الوقت مش يجري البسي يالا فستانك وهاتى معاكى شرايطك عشان اسرح لك شعرك
جريت البنوتة على دولابها البس انهى فستان اختارت فستانها الابيض وشرايطها الروز
مامتها سرحت لها شعرها وعملت لها فيونكة
كانت اجمل ملاك كانها عروسة ليلة فرحها قمر ليلة تمامه
ضحكتها تشرح قلب المهموم فرحة باباها ومامتها
هنا هيتحول حواري عشان تاثري بالموقف وهجسد انا الطفلة
خرجنا من باب بيتنا ايدى فى ايد مامتى سمينا واتوكلنا على الله
مش كنت اعرف ان اخر مرة هشوف بيتنا وانط على السلالم
سلمت على عمو سعيد البواب وقلت له سلام يا عمو
قالى سلام يا عسل
وجريت فى الشارع جنب ماما
والناس من حركاتى بتضحك
وانا فرحانه عشان هتفسح والعب باللعب مع اولاد خالتى وخالى امتى بقي نوصل بسرعة
قلت لماما هنركب ايه
قالت لى تحبي تركبي ايه؟!؟
قلت لها المترو عشان خاطرى يا مامتى
قالت بس زحمة يا سما دلوقتى
قلت لها عشان خاطرى عشان خاطرى
ماشي يا حبيبة قلبي
وصلنا لبوابة التذاكر
مامتى ادتنى جنية وجريت على عمو بتاع التذاكر
عمو عمو
ايوة يا عسولة
عايزة تذكرة
من عنيا الاتنين (وادانى تذكرة وبنبوناية كمان)
شكرا يا عمو
مع السلامة
مع السلامة يا سكر
وجريت على مامتى وقلت لها شوفتى عمو ادانى ايه
قالت لى جميل يالا بقي اقفى ادامى عشان ندخل سوا بالتذكرة
وقفت ادامها وحطيت التذكرة وفووووووووو دخلنا
الدنيا زحمة اوى وحر
بس مش مهم انا فرحانة انى هركب المترو ونروح لتيتا
وقفنا شوية وفضلت اغنى
ومامتى تضحك وتبوسنى
هيييييييه المترو جيه يالا يا ماما عشان نركب
الناس بتجري ليه
ايه الزحمة دى
ماما مسكت ايديا
والناس بتزقنى
يا ناس انا هنا
براحة عليا انا لسه صغنونة
ماما دخلت وانا داخلة وراها
الباب قفل على رجلى
ماما انتى دخلتى وسبتينى هنا لوحدى
ماما مش عارفة اخرج رجلى
ماما الحقى المترو بيجري
ماما بتعيطى ليه
والناس حواليا بتجري وتصوت ليه
فجأة المترو ساب رجليا
ولقيت قدرى تحتيا
لحظات رعب عدت عليا
قبل ما يسيبنى ويمشي فوقيا
-----
روحى حلقت بعيد طالعة عند ربنا
شايفة ماما بتجرى بعيد و منهارة وبتعيط عليا
يا ماما ده قدري افرحى يا امى سما عند الرحمن شهيدة
ده قدر ربي ليا وسما بيه سعيدة
ربنا ريحنى من الدنيا وقسوة الناس
رحمنى انى فى يوم اكون زيهم
رحمنى انى اكبر ف يوم واكون كدة
اقتل روح بريئة عشان اهمال وانانية
رحمنى انى اعيش ف الغابة
واتعلم مبادئ وقيم مزيفة
مامتى يا مامتى ليه تبكي
قدر ربنا والمكتوب
انا عارفة انى كنت طفلة ولسه احلامى ادامى هرسمها بالوانى
انا عارفة انى ثمرة حبك انتى وبابا
انا عارفة انكم رسمتم ليا احلام
حلم تشوفوا سما عروسة كبيرة
وبنت بارة لباباها ومامتها
تسندهم فى وقت عجزهم
وترعاهم عشان هى بتحبهم
بس ده قدري والحمدلله
فوقى يا ماما ومش تبكي
الخير دايما فيما اختاره الله
شيلي الهم ومش تقلقي قلبي
انا بحبك يا امى وكان نفسي افضل جنبك حتى مماتك
بس الله اختار موتى قبل موتك
عارفة انى فراقي صعب على قلبك
بس انا هستناكى فى الجنة
وهنعيش مع بعض باذن الله
بحبك يا مامتى بحبك يا مامتى
------
ناس اتلموا حوالين مامتى ومش بقيت شايفاها
روحى رجعت لبارئها
ناس بيلموا بقايا جسمي فى ورق جرايد
وناس بتبكى وتصوت
ليه كده كده غلط
ليه ده قدر ربنا لازم نرضي بيه
فين ايمانكم بالله
ربنا يهديكم استودعكم الله
------
وعسي ان تكرهوا شيئا وهو خير لكم وعسي ان تحبوا شيئا وهو شر لكم
"lrjg lgh; "slh hsl htjvhqd "slh lgh;
23-05-2010, 05:56 PM
"مقتل ملاك "سما اسم افتراضي
العرض العادي
