فضفضة... ممكن نساعد بعض بحاجة كلنا هنحكي وكلنا هنساعد بعض..

[bosca]

أنا عملت الموضوع ده لأن فعلا فيه ناس كتير عندها مشاكل مش بتحب تحكيها لناس تعرفهم أو معندهاش الجرأة إنها تحكيها لأي حد ... وأوقات بيبقى عندنا مشاكل مش شايفينها غير من وجهة نظرنا غحنا وبس
إحنا هنا عشان هنا هنلاقي طرف تالت محايد مش منحاز لحد ..
إدخل وإحكي ووالله لو كل واحد قال رايه وحكى مشكلته هنقدر نساعد بعض ونتعلم من تجارب بعض
يارب متبخلوش علينا بتجاربكم...
شكراااااااااا

المصدر: سفن إفري ويك

---

tqtqm>>> ll;k kshu] fuq fph[m ;gkh ikp;d ,;gkh ikshu] fuq>>

[سائر]

موضوع جميل ..

انا بئا مشكلتى انى معنديش مشكله والحمد لله ومش عارف اعمل ايه حد عنده حل يا جماعه يساعدنى انا بصراحه مكنتش ناوى احكي مشاكلى بس لما قرأت الموضوع حسيت انى لازم احكى على أمل انى الاقى حل ... وخلاص ..

تحياتى ..

[midoaa]

انا هعرض مشكلتي بكل صراحة
المشكلة هي
حب ضاع... زواج تقليدي... موت أب... غربة من أجل المال
تختار اي واحدة نتكلم فيها الأول
يا قلبي يا ابو الكتاكت
ياما انت شايف وساكت
اختار واحدة وانا اكلمك فيها
انا متأكد ان مفيش حلول بس اهو هنشوف

[bosca]

	المشاركة الأصلية كتبت بواسطة سائر

	موضوع جميل .. انا بئا مشكلتى انى معنديش مشكله والحمد لله ومش عارف اعمل ايه حد عنده حل يا جماعه يساعدنى انا بصراحه مكنتش ناوى احكي مشاكلى بس لما قرأت الموضوع حسيت انى لازم احكى على أمل انى الاقى حل ... وخلاص .. تحياتى ..

هههه مشكلتك صعبة جداً ... بس مفيش حد معندهوش مشكلة ويمكن انت بتخدع نفسك انك معندكش مشاكل ممكن أصلا الحرية في بعض الأحيان تكون مشكلة ,.. بس يارب فعلا تكون مفيش مشاكل زي ما بتقول..:d

[bosca]

	المشاركة الأصلية كتبت بواسطة midoaa

	انا هعرض مشكلتي بكل صراحة المشكلة هي حب ضاع... زواج تقليدي... موت أب... غربة من أجل المال تختار اي واحدة نتكلم فيها الأول يا قلبي يا ابو الكتاكت ياما انت شايف وساكت اختار واحدة وانا اكلمك فيها انا متأكد ان مفيش حلول بس اهو هنشوف

ليه التشاؤم بس على فكرة كل حاجة ليها حل... بس إحنا الي بنستسهل
مبدئيا انا رأيي الحب إلي ضاع ده مش مشكلة .. لإن الي بيضيع مبيرجعش ... طيب ليه نتعب نفسنا ونفكر فيه؟؟؟
مدام عندك بيت وأسرة ...خلاص انسى الحب إلي ضاع بإنك تحاول حب مراتك....

والمشكلة التانية مش الزواج التقليدي إنت مشكلتك انك مش عارف تحب مراتك وده بسبب المشكلة الأولانية لأنك منستش الحب القديم لكن حاول انك تنساه وحاول انك تقرب من مراك اكر وسدقني الانثى كل ما تقرب منها وتديها حب وحنان وتحتويها كل ما هتلاقيها حبتك وخلتك تحبها زيادة ..

المشكلة الثالثة وفاة باباك
أنا شايفة إننا منقدرش نسميها مشكلة هية ممكن يبقى حزن على فقدان شخص عزيز وده مشاعر محدش يقدر يحكم فيها بس انا رأيي إنك لما تفتكر بباك متقعدش تعيط وتحزن وتنكد نفسك وتنكد كل الناس إلي عليك بس انت لو بتحبه علطول اقراله قرآن وادعيله وحاول تقلده في كل الحجا الكويسة الي كان بيعملها وهوة عايش وافتكر انه حاسس بيك واكيد هيبقى فرحان لما يحس انك بتحب مراك بكل وجدانك مش بخونها حى بفكيرك...

أنما المشكلة الرابعة ......... الغررررربة
وده فعلا مصيبة مش مشكلة ونصيحتي بلاش طول فيها لأنك أول ما هترجع بلدك هتلاقي نفسك غريب ملكش حد حتى اقرب الناس ليك هتلاقي علاقك بيهم هدايا واجازة وبس
غير كدة ولادك لما يكبروا ويرجعوا مش هيكونوا بيحبوا بلادهم ابدا وهيفتكروا البلد الي عايشين فيها هية بلادهم نصيحة من اخت مجربة الغربة مع أهلها بجد حاول ترجع في أسرع وق هتقولي أشتغل إيه هقولك اعملك فلوس وتعالى على نفسك شوية وحوش وانزل بلد انشالله تفتح دكان ومحدش بيموت من الجوع ومتخليش دوامة الفلوس تاخدك لأن المشاكل هتزيد سدقني بينك وبين أهلك ومراك وعيالك وتاخدك دوامة الفلوس .......انا شايفة ان ده اني مشكلة لازوم تحلها
يعني الأول حب مراتك وبعدين تحاول في اقرب وقت ترجع بلادك الغربة بتسرق العمر والله وبس ...الفلوس مش كل حاجة ........

يارب أكون قدرت أساعد ولو 1% ويا ريت يكون كلامي صح

[midoaa]

أولا حبي اللي ضاع مصيبة من مصائب الزمن (حب لمدة 15 سنة)
لأن أنا اللي ضيعته
قبل ما اسافر طلبت من البنت دي اني اتقدم وبعد سنة او اتنين ارجع ونتجوز
قالتلي لا لما ترجع يبقى ربنا يحلها وخاصة اني كنت مسافر زيارة مش على شغل
كان كلامها منطقي..... بس انا اخدته بحاسسية شويتين
وقلت في لحظة غضب اذا ما اتقدمتش قبل ما اسافر مش هتقدم تاني...
ورفضت برضه اني اتقدم....
وسافرت وانقطع الاتصال بيها فترة....
ولما اشتغلت والامور اتحسنت وبدأ يرجع اتصالي بيها
بدأنا نتكلم ونحب تاني ونسيت اللي كان
وفي يوم اتقدم ليها واحد كويس مهندس متدين من عيلة وفيه كل المواصفات الكويسة اللي اي بنت تتمناها
وجت وقالت لي زي كل مرة
وكانت الصاعقة
قولتلها وافقي عليه دا انسان ميتعوضش
وبكل سخافة ضيعت حبي
كل ده عشان كرامتي اللي في لحظة حسيت انها اتهزت لما رفضت اني اتقدم
عمرك شوفتي غبي يعمل في نفسه كده
وحصل اللي حصل
وكانت كل فترة تتصل بيا وتعيط ودموعها تجرح فيا
وعشان اثبت اني اخترت ومش مأثر فيا اللي حصل
اتجوزت جواز تقليدي
وغلطت الغلطة التانية
ثانيا واحدة معرفهاش ولا عمري شفتها
هي في وادي وانا في وادي تاني خالص
يعني بدل ما اظلم واحدة ظلمت اتنين
واحدة عايشة معذبة بقالها سنتين وحتى الان ماتجوزتش يدوب مكتوب كتابها
وواحدة عايشة معذبة في بيتي حاسة اني مش ليها وعمري ما هكون ليها
واللي زاد الطين بلة إني أهلها ناس مش كويسين وفيه خلافات كبيرة جدا بيني وبينهم
وكانوا السبب في أول خلاف بيني وبين ابويا قبل ما يموت ب شهور قليلة
اللي مات وانا شايل ذنب اني زعلته مني في لحظة من اللحظات
مش كده وبس
ثالثا موت أبويا مش مشكلة عشان إنه مات
لان بكل بساطة ان القلب ليحزن وان العين لتحزن وانا لفراقك يا ابي لمحزونون
ودا قدر الله ومش هيرجع
لكن المسؤوليات اللي انا شيلتها بعد موته كانت المشكلة
الفلوس عمرها ما كانت مشكلة.... لاننا والحمد لله من الطبقة المتوسطة او الفوق متوسطة بشوية
بس مسؤولية ام واخ واخت
وعلى فكرة كان كلامه ليا قبل ما يموت بأيام
اني اطلق مرات واديها كل حقوقها ودي مشكلة تانية
بس ذبها تعيش مطلقة وهي لسه في السن ده خاصة انها طيبة جدا وغلبانة جدا وبتحبني جداجدا
بس العيب فيا
رابعا أما عن الغربة فدي بعدين لإنها اقل مشكلة انا بواجهها
لان زي ما انتي قلتي الفلوس مش كل حاجة
خاصة في الوقت الحالي
بس المشكلة اني ملقتش نفسي الا هنا في البحرين
وخاصة مع كل مشاكلي دي
عارفة انا اوقات بحس ان افضل شيء الهروب وهو ده اللي انا بعمله الوقتي
هارب من الدنيا

[الصبورة]

تـــسلم خــــوي ع المـــــوضــوع
انـــــي أحـــــمد ربــــــي مــــــاعندي ولا مشــــكله
واذا عــــندي أخلــــيها بيـــني وبيــــن ربـــــي
واخوي midoaa
الله يـــساااعدك
لكــــن لا تنـــسى القرآن والدعــاء << أذكــــر ربــــك في كــــل وقــــت .. فـــــي كــــــل خــــطوة
ألا بـــــذكــر الله تــــطمــــــئن القــــلوب
والله راح تنــــسى هــــمومك كــــلها

ومــــــافي حـــــل أفـــــــضل مــــن هــــــذا الحــــــل
تــــقبلــــوا مرووووري
تحـــــياتي لــــكم

[bosca]

مبدئياً انك تسيب مراتك انا ده فكرة رافضاها لأنك حتى لو بتها مش هترجع للتانية لأنك زي ما بتقول ان التانية اتكتب كتابها
رايي انك تنسى التانية ولو قطعت علاقتك بيها شوية شوية هتنساها ومتحاولش انك تتكلم مع مراتك عنها
وحافظ عليها لأن صعب اليومين دول حد يلاقي واحدة بتحبه وتصونه زي ما انت بتقول

لو انت مسافر مش عشان فلوس يبقى ارجع بلدك احسنلك وانساها متهربش لأنك مينفعش تفضل هربان طول عمرك
بالنسبة لباباك لو انت فعلا حاسس بالذنب نحيته حاول تعوض ده بالدعاء ليه كتير وكمان انك تستر أمك وإخواتك وأنا شايفة إنهم محتاجينلك جنبهم أكتر من إنك تهرب أكيد هما محتاجينك أكتر من الفلوس إلي انت بتبعتها

بجد أنا هوة ده إلي شيفاه صح لو شايف إن كلامي مش مقنع اتفضل قولي.....

[midoaa]

شكرا ليك يا الصبورة
هو دا الحل الوحيد
شكرا لمشاركتك

[midoaa]

	المشاركة الأصلية كتبت بواسطة bosca

	مبدئياً انك تسيب مراتك انا ده فكرة رافضاها لأنك حتى لو بتها مش هترجع للتانية لأنك زي ما بتقول ان التانية اتكتب كتابها رايي انك تنسى التانية ولو قطعت علاقتك بيها شوية شوية هتنساها ومتحاولش انك تتكلم مع مراتك عنها وحافظ عليها لأن صعب اليومين دول حد يلاقي واحدة بتحبه وتصونه زي ما انت بتقول لو انت مسافر مش عشان فلوس يبقى ارجع بلدك احسنلك وانساها متهربش لأنك مينفعش تفضل هربان طول عمرك بالنسبة لباباك لو انت فعلا حاسس بالذنب نحيته حاول تعوض ده بالدعاء ليه كتير وكمان انك تستر أمك وإخواتك وأنا شايفة إنهم محتاجينلك جنبهم أكتر من إنك تهرب أكيد هما محتاجينك أكتر من الفلوس إلي انت بتبعتها بجد أنا هوة ده إلي شيفاه صح لو شايف إن كلامي مش مقنع اتفضل قولي.....

مش قادرة تفهمي موضوع امي واخواتي مش محتاجين فلوس ولا محتاجين ليا بالعكس انا اللي محتاج لهم اخوي مش صغير مدرس في الكويت واختي متجوزة وعندها عيال وجوزها ما شاء الله يعني غني
وامي مديرة مدرسة
المسؤولية اللي انا بكلم عليها مش فلوس مسئولية ان اكون انا الكبير صاحب القرارات في كل كبيرة وصغيرة
اما اني انسى حبي الضايع مستحيل
لانها بكل بساطة اقرب ليا من نفسي لانها بنت خالتي وعريسها اللي ميعرفش انا ايه بالنسبة ليها بيستشرني في كل كبيرة وصغيرة تخصهم ومش كده وبس هي مريضة بمرض وحش وانا طالب منه انه ما يظلمش نفسه معاها والمشكلة ان المرض ده أصابها لما انا اتجوزت
ومراتي مستحيل تنسى دي مين وبالنسبة لجوزها ايه
وموضوع اني اسيب مراتي طبعا لاء لان دا ظلم كبير ليها
واذا كانت بتتعذب وهي عايشة معايا دا ارحم من انها تعيش مطلقة وانت عارفه مجتمعنا بيبص للمطلقة ازاي
الموضوع معقد جدا ومتشعب